Каму (Канапніцкая/Купала)

З пляцоўкі Вікікрыніцы
Jump to navigation Jump to search
Каму
Верш
Аўтар: Марыя Канапніцкая
Пераклад: Янка Купала
Крыніца: Поўны збор твораў у 9 т. Том 1 — Мінск, Маст. Літ., 1995
Глядзіце таксама: http://rv-blr.com/vershu/view/47723


Тым саху, плуг толькі здаці,
Хто прырос к зямельцы-маці,
Хто загон свой наскрозь знае,
Каго холад не пужае;
Хто радзімых сваіх ніў
Знае час сяўбы і жніў.

Таму толькі з бараною
На раллю пайсці вясною,
Хто лапцямі топча поле,
Знае гора цвёрдай долі,
Працягнуў хто, як свой брат,
Двое рук да ўбогіх хат.

Таму толькі серп і коска,
На начлезе хто за вёскай
Снуе думкі пры агнішчы,
Й вера ў прышлай долі йгрышча,
Каму ў полі труд — закон,
А чужыя з нівы вон!

(11 ліпеня 1906)