Збор твораў (Купала, 1925—1932)/I/Жалейка/Каму

Каму
Верш
Аўтар: Марыя Канапніцкая
1925 год
Арыгінальная назва: Temu tylko pług a socha
Пераклад: Янка Купала

Іншыя публікацыі гэтага твора: Каму (Канапніцкая/Купала).

Прапануем да спампаваньня!

КАМУ

(З польскага. М. Канапніцкай)

Тым саху, плуг толькі здаці,
Хто прырос к зямельцы-маці,
Хто загон свой наскрозь знае,
Каго холад ня пужае;
Хто радзімых сваіх ніў
Знае час сяўбы і жніў.

Таму толькі з бараною
На ральлю пайсьці вясною,
Хто лапцямі топча поле,
Знае гора цьвёрдай долі,
Працягнуў хто, як свой брат,
Двое рук да ўбогіх хат.

Таму толькі серп і коска,
На начлезе хто за вёскай
Снуе думкі пры агнішчы,
Й вера ў прышлай долі йгрышча,
Каму ў полі труд — закон,
А чужыя з нівы вон!