За думаю дума роем вылятае… (Шаўчэнка/Купала)

З пляцоўкі Вікікрыніцы
Jump to navigation Jump to search
***За думаю дума роем вылятае…
Верш
Аўтар: Тарас Шаўчэнка
Пераклад: Янка Купала
Крыніца: Поўны збор твораў у 9 т. Том 1 — Мінск, Маст. Літ., 1995. ст. 284
Глядзіце таксама: http://rv-blr.com/literature/2663#47693



За думаю дума роем вылятае,
Тая цісьне сэрца, тая разьдзірае,
А трэйцяя ціха, ціхусенька плача,
Аж там на дне сэрца, дзе ніхто ня ўбача.

Каму ж тут іх пакажу я?
І хто тую мову
Прывітае, угадае
Вялікае слова?

Глухім кожны тут радзіўся,
  Кожны з гора тужа:
Ты сьмяешся, а я плачу,
  Вялікі мой дружа!

А што прыйдзе з таго плачу?
  Боль галоўкі, браце…
. . . . . . . . . . . . . . . . . . . . . . . . . . . .
Што там!.. будзем лепш сьмяяцца,
  Хоць голад у хаце!..