Збор твораў (Купала, 1925—1932)/I/Жалейка/Думкі (з украінскага)/За думаю дума роем вылятае…

← Нашто-ж чорныя мне бровы…

За думаю дума роем вылятае… Верш Аўтар: Тарас Шаўчэнка 1925 год Арыгінальная назва: Гоголю Пераклад: Янка Купала

Пара →

Іншыя публікацыі гэтага твора: За думаю дума роем вылятае… (Шаўчэнка/Купала).

Прапануем да спампаваньня!

∗
∗     ∗

За думаю дума роем вылятае,
Тая цісьне сэрца, тая разьдзірае,
А трэцяя ціха-ціхусенька плача,
Аж там на дне сэрца, дзе ніхто ня ўбача.

Каму-ж тут іх пакажу я?
І хто тую мову
Прывітае, угадае
Вялікае слова?

Глухім кожны тут радзіўся,
Кожны з гора тужа:
Ты сьмяешся, а я плачу,
Вялікі мой дружа!

А што прыдзе з таго плачу?
Боль галоўкі, браце…
.............
Што там!.. Будзем лепш сьмяяцца,
Хоць голад у хаце!..

---