Зайграй, зайграй, хлопча малы…

З пляцоўкі Вікікрыніцы
Jump to navigation Jump to search
Зайграй, зайграй, хлопча малы…
Верш
Аўтар: Паўлюк Багрым
Крыніца: http://knihi.com/Pauluk_Bahrym/


      Зайграй, зайграй, хлопча малы,
      І ў скрыпачку, і ў цымбалы,
      А я зайграю ў дуду,
      Бо ў Крошыне жыць не буду.

      Бо ў Крошыне пан сярдзіты,
      Бацька кіямі забіты,
      Маці тужыць, сястра плача:
      «Дзе ж ты пойдзеш, небарача?..»

      Дзе ж я пайду? Мілы Божа!
      Пайду ў сьвет, у бездарожжа,
      У ваўкалака абярнуся,
      З шчасьцем на вас азірнуся.

      Будзь здарова, маці міла!
      Каб мяне ты не радзіла,
      Каб мяне ты не карміла,
      Шчасьліўшая ты бы была!

      Каб я каршуном радзіўся,
      Я бы без паноў абыўся:
      У паншчыну б не пагналі,
      У рэкруты б не забралі
      І ў маскалі не аддалі.

      Мне пастушком век ня быці,
      А ў маскалях трудна жыці,
      А я і расьці баюся,
      Дзе ж я, бедны, абярнуся?

      Ой, кажане, кажане!
      Чаму ж ня сеў ты на мяне?
      Каб я большы не падрос
      Ды ад бацькавых калёс.