Жалейка (1908)/Над магилами

Над магилами
Верш
Аўтар: Янка Купала
1908 год

Іншыя публікацыі гэтага твора: Над магіламі.

Прапануем да спампаваньня!

Над магилами.

Спице, загнаные,
Ат сонца скрытые,
Спице, бяздольные,
Горам забитые!
Як вам зямелькаю,
На вочы кинули,
Из людзкай памяци
Марне загинули.
Над касцьми вашыми,
Панад курганами—
Слйозы узносяцца
Мглою—туманами.
Крыжы яловые
На бок скрывилися;
Наспы пасмертныя
Вадой размылися;

Два—тры з йих свецяцца
Кветкай жычливаю,
Рэшта скрываецца
Лазой, крапиваю.

Самиж вы зданнями,
Бледными, синими
Летам усходзице
Панад магилами.

Начницы чорные
Ночкай злетаюцца,
И совы шэрые
Перэкликаюцца.

Ваўки збираюцца
Парой зимоваю
И пяюць, выючы,
Песнь паграбовую…

Спице, загнаные,
Ат сонца скрытые,
Спице, бяздольные,
Горам забитые!..