Шляхам жыцьця (1913)/III/Мая жонка

← Я хацеў-бы…

Мая жонка Верш Аўтар: Янка Купала 1913 год

Да дзяўчынкі →

Іншыя публікацыі гэтага твора: Мая жонка.

Прапануем да спампаваньня!

Мая жонка.

Не хачу я жонкі
Не з сваей старонкі,
Як я—багацейшай,
І як я—мудрэйшай.
А вазьму такую,
К якой любасьць чую,
Што мяне палюбя,
Як сябе самую,

*

Будзем з ёю жыці
І долю хваліці,
Весьці лад у хаце,
Дзетак гадаваці.
І так жыць па праве
Ў добрай будзем славе,
По́куль хаўтуроў нам
Злая сьмерць не справе.

---