Тры дарогі (Канапніцкая/Купала)

З пляцоўкі Вікікрыніцы
Jump to navigation Jump to search
Тры дарогі
Верш
Аўтар: Марыя Канапніцкая
Пераклад: Янка Купала
Крыніца: http://lib.rus.ec/b/437890/read


Ідуць тры сьцежкі с хаты
На долю і нядолю:
Ідзе адна, дзе пану
Людцы пахаюць поле;

        На лева ад хаціны
        Ідзе ў карчму другая,
        А трэцяя — к магілкам,
        Дзе брат наш спачывае…

Ад цяжкай працы, поту
Адна расіцай сьвеціць;
Хто па другой праходзе,
— З бацькоў сьмяюцца дзеці;

        Палын расьце на трэцей,
        І наспы выжэй, ніжэй,
        І плачэ там бярозка,
        І крыж стаіць на крыжу…

Па сьцежках гэтых ходзяць
У лапцях нашы людзі.
Гэй! хто ім сьцежку ўскажэ,
Што весьці к шчасьцю будзе?..