|
Сюды, ка мне, за стол, хто другам,
Хто свой, ўсе сядзьма разам:
Ты, жонка, дзетки, брацця, кругам,
Во гэтта—пад абразам.
Ка мне, дружки! хай вас угледжу,
Витаю хлебам, соляй.
Куцця сягоння, сам ня ўседжу
Адзин с сваею доляй,
На стол, як чыним вякоў многа
Сенца паслаў, глядзице.
Падблисцесе ж!.. вянком старога
Свае ўсе акружыце!
..............
Стол доўги, ў круг свае ўсе сами,
Твар кожны весел, ясны,
У кожнага душы раями
Снуюцца думки шчасны.
И разам слуг людок нясмелы
Нам пасадзици трэба,
Ўсих братней згоды анйол белы
Благаславиць хай з неба.
..............
Падайце ўборы мне яркие,
Ў жало́бных нахадзиўся,
Пры мне сягоння ўсе близкие,
Сягоння Бог радзиўся.
..............
..............
Пуста кругом! Гэй, гэй, свае дзе?…
Дзе анйол захаваўся?.
..............
Снуюцца цени… сэрцэ брэдзе,
Ня чуюць… Сам астаўся…
|
Прапануем да спампаваньня!