Былі ў бацькі тры сыны…

З пляцоўкі Вікікрыніцы
Jump to navigation Jump to search
Былі ў бацькі тры сыны…
Верш
Аўтар: Янка Купала
1907
Крыніца: http://rv-blr.com/literature/2743#237



Былі ў бацькі тры сыны,
Ды ўсе ж яны Васілі.

Адзін служыць у дварэ,
Поле панскае арэ;

Другі стражнікам зь іх стаў,
Куляй, шабляй засьвістаў;

Трэйці згінуў у баю
За свабоду і зямлю.

Бацька ў вёсцы сваёй сьпіць,
І дуда пры ім ляжыць;

Ён часамі дзьме ў яе,
Песьню нудную пяе:

Ой ты, дудка, ой, дуда!
Бяда жыці мне, бяда!

Не вяселіш ты мяне
Ў маёй беднай старане.

(1907)