Галоўная старонка

вольнай бібліятэцы, якую можа рэдагаваць кожны.

Цяпер у Вікікрыніцах 26 626 артыкулаў і 970 аўтараў па-беларуску.

Калі ласка, азнаёмцеся з правіламі рэдагавання артыкулаў і Законам Рэспублікі Беларусь аб аўтарскім праве і сумежных правах.

Каляндар

7 студзеня

1896 — нарадзіўся Іло Масашвілі, грузінскі паэт
1897 — нарадзіўся Язэп Адамовіч, беларускі савецкі дзяржаўны дзеяч
1946 — памёр Марцін Карклін, беларускі савецкі дзяржаўны дзеяч
1964 — памёр Янка Журба, беларускі паэт

Абраны тэкст

Прапануем да спампаваньня!

«Васількі» — Ядвігін Ш.

Васількі закрасавалі… Не, не закрасавалі!

Дзе-ж ім цяпер красаваць? Холад. Зіма. Сьнег. Не закрасавалі васількі; гэта толькі перэд вачамі маімі міганулі яны. Нават не перэд вачамі, а так нейдзе: ні то ў думках, ні то ў душы, ці сэрцы? — Ня ведаю дзе. Міганулі васількі: васількі ў жыце… небо, як васількі… як васількі, вочкі… міганулі васількі і… счэзлі!..

...............

У красе нашаго жыцьця, мы любім, як красуюць васількі…

А калі паблекнуць васількі, паблекне небо, паблекне на душы, а на сэрцэ ляжэ холад; калі зямлю пакрые сьнег, а на тваю галаву бытцым сыпне шоран; калі маеш штодзенны цёмны, горкі хлеб, — тады толькі ўспомніш, што гэта — ад васількоў, ад іх красы, бо… аткрасавалі васількі…

Абраны верш

Якуб Колас

1923

Новая зямля

Мой родны кут, як ты мне мілы!
Забыць цябе ня маю сілы!
Ня раз, утомлены дарогай,
Жыцьцём вясны мае убогай,
К табе я ў думках залятаю
І там душою спачываю.
О, як бы я хацеў спачатку
Дарогу жыцьця папарадку
Прайсьці яшчэ раз, азірнуцца,
Сабраць з дарог каменьні тыя,
Што губяць сілы маладыя —
К вясьне-б маей хацеў вярнуцца.
Вясна, вясна! не для мяне ты!
Ня я, табою абагрэты,
Прыход твой радасны спаткаю, —
Цябе на век, вясна, хаваю.