Rodnyje zierniaty (1916)/III/Z minuŭšych dzion

Z minuŭšych dzion
Верш
Аўтар: Янка Купала
1916 год

Іншыя публікацыі гэтага твора: Зь мінуўшых дзён.

Прапануем да спампаваньня!

Z minuŭšych dzion.

Pierajšło, minuło,
Sto kaliś było,
Ŭ kurhanoch zasnuło,
Ziellem zarasło.
Pad mahił nawałaj
Dremle Ruś, Litwa, —
Za tej taja s chwałaj
Lehla haława.
Nie hudzie ŭ pawazie
Hołas wiečawy,
Nie šukajuć kniazi
Sławy i bitwy.
Wojska Usiesława
Nie idzie ŭ pachod
Na toj boj krwawy
Za swoj kraj, narod.
Ścieny i zapory
Pałačan, Minčan
Lehli u razory
Zmoženych palan.
Ni światych dubrowaŭ,
Znič pajšoŭ z wadoj…
Zahaściŭ ład nowy,
Dy nia toj, nia swoj.
Tak prajšło, minuło,
Što kaliś žyło,
Ŭ kurhanoch zasnuło,
Ziellem parasło.