Lekcyi i Evanelii na niadzieli i śviaty (1938)/II/8

8. Na dzień Ačyščeńnia Matki Boskaj (Hramničnaja)
Урыўкі зь Бібліі

1938 год
Пераклад: Адам Станкевіч

Прапануем да спампаваньня!

NA DZIEŃ AČYŠČEŃNIA MATKI BOSKAJ.
(Hramničnaja).

I.

Heta kaža Pan Boh: voś ja pasyłaju majho anioła i pryhatuje darohu prad voblikam maim. I adrazu pryjdzie da svajej śviatyni valadar, katoraha vy šukajecie i anioł zakonu, katoraha vy žadajecie. Voś jon idzie, kaža Boh mocy, i chto zmoža padumać ab dni jaho prychodu i chto ŭstaić, vidziačy jaho? Bo jon, jak ahoń rastaplajučy i jak zielle ačyščajučaje. I siadzie jon rastaplać i ačyščać sierabro, i ačyścić synoŭ Levi, i pieratopić ich, jak zołata i jak sierabro i buduć prynosić Panu achviary ŭ spraviadlivaści. I spadabajecca Panu achviara Judy i Jeruzalimu, jak daŭnych dzion i daŭnych hadoŭ: kaža Pan usiomahutny.

(Malach. 3, 1—4).

II.

U heny čas, jak skončylisia dni ačyščeńnia Maryi, pavodle zakonu Majžeša, zanieśli Jezusa ŭ Jeruzalim, kab achviaravać jaho Panu, jak napisana jość u zakonie Pana, što kožny piervarodny chłopcyk budzie achviaravany Panu, i kab prynieści na achviaru, jak heta skazana ŭ zakonie Pana, paru turkoŭ, abo dvoje hałubkoŭ. I voś byŭ u Jeruzalimie čałaviek, na imia Symeon, čałaviek spraviadlivy i bahabojny, katory čakaŭ paciechi Izraelevaj i Duch Sviaty byŭ u im. I atrymaŭ jon abjavu ad Ducha Sviatoha, što nie pamre, pakul nia ŭvidzie Chrystusa Pana. I, viedzieny Ducham, pryjšoŭ u śviatyniu. I kali ŭnosili dzicia Jezus baćki jaho, kab spoŭnić za jaho zahad zakonu, jon uziaŭ jaho na ruki, bahasłaviŭ Boha i skazaŭ: ciapier adpuskaješ słuhu tvajho, Panie, u supakoju, pavodle słova tvajho, bo vočy maje ŭbačyli zbaŭleńnie tvajo, katoraje pryhatavaŭ ty prad voblikam usich narodaŭ: śviatło dla aśviačeńnia pahanaŭ i na słavu narodu tvajho Izraelskaha.

(Łuk. 2, 29—32).