Lekcyi i Evanelii na niadzieli i śviaty (1938)/II/7
| ← 6. Na Try Karali | 7. Na dzień śv. Siamji Урыўкі зь Бібліі 1938 год Пераклад: Адам Станкевіч |
8. Na dzień Ačyščeńnia Matki Boskaj (Hramničnaja) → |
Прапануем да спампаваньня!
NA DZIEŃ ŚV. SIAMJI.
I.
Braty, jak vybrancy Božyja, śviatyja i ŭlubionyja, pryadzieńciesia ŭ litaść sardečnuju, dabratu, pakoru, łahodnaść, ciarplivaść, adny adnych znosiačy i prabačajučy sabie, kali chto maje na kaho skarhu: jak i Pan daravaŭ vam, tak i vy. A nad usio hetaje miejcie miłaść, jakaja jość vuzłom daskanalnaści. I supakoj Chrystusa niachaj panuje ŭ sarcoch vašych, da jakoha vy i — paklikany ŭ vadnym ciele i ŭdziačny budźcie. Niachaj słova Chrystusa žyvie ŭ vas poŭna, kab vy adny adnych vučyli z usiej mudraściaj i napaminali, piajučy ŭ łascy Bohu psalmy, hymny i pieśni duchoŭnyja ŭ sarcoch vašych. Usio, što tolki robicie słovam, abo čynam, usio ŭ imia Pana Jezusa Chrystusa, dziakujučy praz jaho Bohu i Ajcu.
(Kalas. 3, 12—17).
II.
Kali Jezusu było dvanaccać hadoŭ, pajšli jany ŭ Jeruzalim pavodle zvyčaju na śviata, a pa śviacie, kali jany varočalisia, chłopcyk Jezus astaŭsia ŭ Jeruzalimie, ab čym baćki jaho nia viedali. A dumajučy, što jon jość u hramadzie, uvajšli dzień darohi i šukali jaho siarod svajakoŭ i znajomych. I, nie znajšoŭšy, viarnulisia ŭ Jeruzalim, šukajučy jaho. I voś-ža pa troch dniach znajšli jaho ŭ śviatyni, dzie siadzieŭ pasiarod vučonych, słuchajučy ich i pytajučysia ich. Usie-ž, katoryja jaho słuchali, dzivilisia z jaho rozumu i adkazaŭ.
I ŭhledziŭšy jaho, ździvilisia. A matka jaho skazała jamu: synie, što-ž ty nam zrabiŭ? Voś ajciec tvoj i ja z žalem šukali ciabie. A jon skazaŭ im: čamu-ž vy mianie šukali? Ci-ž vy nia viedali, što treba mnie być u spravach Ajca majho? Ale jany nie zrazumieli słoŭ, jakija jon im skazaŭ. I pajšoŭ z imi, i pryjšoŭ u Nazaret, i byŭ pasłušny im. A matka jahonaja ŭsie hetyja słovy pierachovyvała ŭ sercy svaim. Jezus-ža ros u mudraści i ŭ hadoch, u łascy ŭ Boha i ŭ ludziej.
(Łuk. 2, 42—52).