Lekcyi i Evanelii na niadzieli i śviaty (1938)/II/35
| ← 34. Na dzień Naradžeńnia Matki Boskaj (Aspožka) | 35. Na dzień śv. Michała Archanioła Урыўкі зь Бібліі 1938 год Пераклад: Адам Станкевіч |
36. Na dzień Maci Božaj Ražancovaj → |
Прапануем да спампаваньня!
NA DZIEŃ ŚV. MICHAŁA ARCHANIOŁA.
I.
U henyja dni aznajmiŭ Boh, što skora maje stacca, pasłaŭšy praz svajho anioła słuzie svajmu Janu, katory padaŭ śviedčańnie ab słovie Božym i śviedčannie Jezusa Chrystusa, i ŭsio, što bačyŭ. Bahasłaŭleny, katory čytaje i słuchaje słoŭ hetaha praroctva i bieraže toje, što ŭ im napisana, bo čas blizki. Jan siami Kaściołam, katoryja ŭ Azii. Łaska vam i supakoj ad taho, katory jość, i katory byŭ i katory prybudzie i ad siami duchaŭ, katoryja prad voblikam tronu jaho, i ad Jezusa Chrystusa, katory jość viernym śviedkam, piervarodnym z pamioršych i vaładar caroŭ ziamli, katory ŭźlubiŭ nas i abmyŭ nas ad hrachoŭ našych u kryvi svajej.
(Ab. 1, 1—5).
II.
U heny čas padyjšli da Jezusa vučni i skazali: chto, dumaješ, bolšy ŭ vaładarstvie niabiesnym? A Jezus, paklikaŭšy dzicia, pastaviŭ jaho pasiarod ich i skazaŭ: sapraŭdy kažu vam, kali vy nie naviernieciesia i nia staniecie, jak dzieci, nia ŭvojdziecie ŭ vaładarstva niabiesnaje. Dyk chto panizie siabie, jak hetaje dzicia, toj bolšy ŭ vaładarstvie niabiesnym. I chto pryniaŭ-by adno takoje dzicia ŭ imia majo, mianie pryjmaje. A chto zhoršyŭ-by adnaho z hetych małych, katoryja ŭ mianie vierać, lepš jamu, kab kamień młynavy začapić na šyju jaho i ŭtapić u hłybini mora. Biada śvietu dziela zharšeńnia: bo zharšeńni, musiać pryjści, adnak biada tamu čałavieku, praz katoraha zharšeńni prychodziać. Kali-ž ruka tvaja, abo naha tvaja horšyć ciabie, adatni jaje i adkiń ad siabie: lepš tabie ŭvajści ŭ žyćcio biaz ruki, abo kulhavym, jak, majučy abiedźvie ruki, abo abiedźvie nahi, być ukinutym u vahoń viečny. I kali voka tvajo horšyć ciabie, vyrvi jaho i adkiń ad siabie: lepš tabie ŭvajści ŭ žyćcio z adnym vokam, jak, majučy dvoje vačej, być ukinutym u vahnistaje piekła. Hladziecie, kab nie pahardžali nivodnym z hetych małych, bo ja vam kažu, što anioły ich u niebie zaŭsiody bačać voblik ajca majho, katory jość u niebie.
(Mat. 18, 1—10).