Lekcyi i Evanelii na niadzieli i śviaty (1938)/II/34
| ← 33. Na dzień śv. Rocha | 34. Na dzień Naradžeńnia Matki Boskaj (Aspožka) Урыўкі зь Бібліі 1938 год Пераклад: Адам Станкевіч |
35. Na dzień śv. Michała Archanioła → |
Прапануем да спампаваньня!
NA DZIEŃ NARADŽEŃNIA MATKI BOSKAJ.
(Aspožka).
I.
Pan, prad tym, jak učyniŭ što spradvieku, mieŭ mianie na pačatku daroh svaich. Adviakoŭ ja ŭstanoŭlena, i zdaŭna prad tym, jak ziamla stałasia. Nia było jašče propaściaŭ, a ja ŭžo pačałasia, jašče nie prabilisia kryničnyja vody, ani jašče hory stali ciažkoj vialičynioj, prad uzhorkami ja radziłasia; jašče ziamli byŭ nie stvaryŭšy, ani rekaŭ, ani zaviesaŭ ziamli. Kali pryhataŭlaŭ nieba, ja tam była: kali peŭnym pravam i kruham abvodziŭ propaści, kali nieba ŭćviardžaŭ u vyšyni i mieryŭ krynicy vodaŭ, kali abvodziŭ moru hranicy jaho i kłaŭ zakon vodam, kab nia vychodzili z hranic svaich, kali zakładaŭ ziamli fundamanty. Z im ja była ŭsio ŭładžvajučy i ciešyłasia kožny dzień, viasielačysia prad im u kožny čas, viasielačysia na kruhu ziamli; i raskošna mnie być z synami ludzkimi! Dyk ciapier, syny, słuchajcie mianie: bahasłaŭleny, katoryja pilnujucca daroh maich. Słuchajcie navuki i budźcie mudryja i nie adkidajcie jaje. Bahasłaŭleny čałaviek, katory mianie słuchaje i katory jość čujny štodzień prad dźviarmi maimi i ścieraže pry parozie dźviarej maich. Chto mianie znojdzie, toj znojdzie žyćcio i čerpać budzie zbaŭleńnie ad Pana.
(Prysł. 8, 22—35).
II.
Kniha rodu Jezusa Chrystusa, Syna Davida, syna Abrahama; Abraham radziŭ Izaaka, a Izaak radziŭ Jakuba, a Jakub radziŭ Judu i bratoŭ jaho, a Juda radziŭ Faresa i Zarama ad Tamary, a Fares radziŭ Ezrona, a Ezron radziŭ Arama, a Aram radziŭ Aminadaba, a Aminadab radziŭ Naassona, a Naasson radziŭ Salmona, a Salmon radziŭ Booza ad Rahaby, a Booz radziŭ Obeda ad Ruty, a Obed radziŭ Jesse, a Jesse radziŭ Davida karala, a David karol radziŭ Salamona ad tej, što była Uryjava, a Salamon radziŭ Roboama, a Roboam radziŭ Abija, a Abij radziŭ Asa, a Asa radziŭ Jozafata, a Jozafat radziŭ Jorama, a Joram radziŭ Ozija, a Ozij radziŭ Joatama, a Joatam radziŭ Achaza, a Achaz radziŭ Ezechija, a Ezechij radziŭ Manassu, a Manassa radziŭ Amona, a Amon radziŭ Jozija, a Jozij radziŭ Jechonija i bratoŭ jaho ŭ pierasialeńni babilonskim. A paśla pierasialeńnia babilonskaha Jechonij radziŭ Salacijela, a Salacijel radziŭ Zorobabela, a Zorobabel radziŭ Abijuda, a Abijud radziŭ Elijacaha, a Elijacy radziŭ Azora, a Azor radziŭ Sadoka, a Sadok radziŭ Achima, a Achim radziŭ Elijuda, a Elijud radziŭ Eleazara, a Eleazar radziŭ Matana, a Matan radziŭ Jakuba, a Jakub radziŭ Jozefa muža Maryi, z katoraj naradziŭsia Jezus, što zaviecca Chrystus.
(Mat. 1, 1—16).