Lekcyi i Evanelii na niadzieli i śviaty (1938)/I/31
| ← 30. Na IV niadzielu pa Siomusie | 31. Na V niadzielu pa Siomusie Урыўкі зь Бібліі 1938 год Пераклад: Адам Станкевіч |
32. Na VI niadzielu pa Siomusie → |
Прапануем да спампаваньня!
NA V NIADZIELU PA SIOMUSIE.
I.
Darahija, budźcie ŭsie adnej dumki ŭ malitvie, spahadlivyja, bratalubnyja, miłasernyja, skromnyja, pakornyja. Nie addavajcie złom za zło, ani bahasłaŭcie, klaćboj za klaćbu, ale naadvarot, — bo na heta vy paklikany, kab atrymać bahasłavienstva. Bo chto choča lubić žyćcio i ahladać dobryja dni, niachaj ustrymlivaje svoj jazyk ad zła i vusny jahonyja niachaj nie havorać zdrady, niachaj ścieražecca zła i pastupaje dobra, niachaj šukaje supakoju i niachaj imkniecca da jaho. Bo vočy Pana nad spraviadlivymi i vušy jahony da prośby ich; a voblik Pana suproć pastupajučych drenna. I chto-ž jość, što vam zaškodzić, kali za dabrom iści budziecie? A kali-b vy i paciarpieli za spraviadlivaść, bahasłaŭleny vy. A strachu ich nia bojciesia i nia tryvožciesia. Pana Chrystusa śviacicie ŭ sercach vašych.
(1 Piotr 3, 8—15).
II.
U heny čas skazaŭ Jezus svaim vučniam: kali spraviadlivaść vaša nia budzie bolšaj, jak knižnikaŭ i faryzejaŭ, nia ŭvojdziecie ŭ vaładarstva niabiesnaje. Vy čuli, što skazana starazakonnym: nie zabivaj, a chto-b zabiŭ, na taho budzie sud. A ja vam kažu, što kožny, chto hnievajecca na svajho brata, pojdzie pad sud. A chto-b skazaŭ na svajho brata „raka“,[1] budzie padlehły sudu najvyšejšamu. A kali-b chto skazaŭ „hłupča“, na taho budzie ahoń piakielny. Dyk kali pryniasieš ty svaju achviaru da aŭtara i tam prypomniš, što brat tvoj maje niešta prociŭ ciabie: pakiń tam prad aŭtarom svaju achviaru i idzi pierš pahadzisia z bratam svaim, a tady viarnuŭšysia pałažy svaju achviaru.
(Mat. 5, 20—24).
- ↑ pusty čalaviek.