Lekcyi i Evanelii na niadzieli i śviaty (1938)/I/28

28. Na II niadzielu pa Siomusie (U aktavie Božaha Cieła)
Урыўкі зь Бібліі

1938 год
Пераклад: Адам Станкевіч

Прапануем да спампаваньня!

NA II NIADZIELU PA SIOMUSIE.
(U aktavie Božaha Cieła).

I.

Darahija, nia dziviciesia, kali vas nienavidzić śviet. Viedajem, što my pieraniesieny sa śmierci da žyćcia, bo my lubim bratoŭ. Chto nia lubić — astajecca ŭ śmierci. Kožny, chto nienavidzić brata svajho — jość zabojca. A viedajecie, što kožny zabojca nia maje žyćcia viečnaha ŭ sabie tryvajučaha. U tym paznali my miłaść Boha, što jon dušu svaju za nas addaŭ. I my pavinny addavać dušy za bratoŭ. Kali-b chto mieŭ bahaćcie hetaha śvietu i vidzieŭ-by brata svajho ŭ niastačy i zamknuŭ-by nutro svajo prad im — jak-ža ŭ im prabyvaje luboŭ Boha? Synočki maje, nia lubiema słovam, ani jazykom, ale čynam i praŭdaju.

(1 Jan 3, 13—18).

II.

U heny čas skazaŭ Jezus faryzejam hetkuju prypovieść: adzin čałaviek spraviŭ vialikuju viačeru i zaprasiŭ mnohich. I pasłaŭ słuhu svajho pierad samaj viačeraj skazać zaprošanym, kab pryjšli, bo ŭžo ŭsio hatova. I pačali ŭsie razam adkazvacca. Adzin skazaŭ jamu: ja kupiŭ sialibu i mušu pajści pahladzieć jaje: prašu ciabie, miej dla mianie vybačeńnie. A druhi skazaŭ: ja kupiŭ piać par valoŭ i jdu prabavać ich: prašu ciabie, miej dla mianie vybačeńnie. Jašče inšy skazaŭ: ja ažaniŭsia i dziela hetaha nie mahu pryjści. Słuha viarnuŭšysia, pierakazaŭ heta svajmu haspadaru. Tady haspadar razhnievaŭsia i skazaŭ słuzie svajmu: vyjdzi skora na vulicy i vułki miesta i pryviadzi siudy ŭbohich i kalekich, i ślapych, i kulhavych. I skazaŭ słuha: panie, stałasia, jak ty skazaŭ, ale jašče jość miesca. Skazaŭ haspadar słuzie: vyjdzi na darohi i ściežki i prymuś pryjści, kab dom moj byŭ poŭny. Bo kažu vam, što nichto z tych asob, jakija byli prošany, nie pakaštuje majej viačery.

(Łuk. 14, 16—24).