Hołas dušy (1934)/II/Razmyšleńni/Paniadziełak
| ← Niadziela | Paniadziełak Казаньне Аўтар: Казімір Сваяк 1934 год |
Aŭtorak → |
Прапануем да спампаваньня!
Paniadziełak.
AB PRAWIE STAROHA I NOWAHA ZAKONU.
„Sapraŭdy kažu wam: kali sprawiadliwaść waša nia budzie bolšaju, jak wučonych i faryzejaŭ, nia ŭwojdziecie ŭ waladarstwa niabiesnaje“. (Mat. 5).
Prawa asoby: žyćcio.
1. Wy čuli, što skazana ŭ Starym Zakonie: „Nie zabiwaj; a chto-b zabiŭ, taho čakaje sud“. A Ja wam kažu, što kožny, chto hniewajecca na brata swajho, taho čakaje sud; a chto-by skazaŭ bratu swajmu: „niahodnik“, taho čakaje Najwyšejšy Trybunał; a chto-b skazaŭ: „biazbožnik“, taho čakaje piekła ahniowaje. Kali woś pryniasieš achwiaru na aŭtar, a tam prypomniš sabie, što brat twoj maje niešta proci ciabie, pakiń tam prad aŭtaram achwiaru swaju, a jdzi pahadzisia pierš z bratam swaim, a tady, wiarnuŭšysia, pałažy achwiaru swaju.
Prawa hatunku: razmnažeńnie.
2. Wy čuli, što skazana ŭ Starym Zakonie: „Nie čužałož“. A Ja wam kažu, što kožny, chto prahawita hladzić na žančynu, užo sčužałožyŭ ŭ sercy swaim… Skazana tak-ža: „Chto choča addalić žonku swaju, niachaj jej daść list razwodny“. A Ja wam kažu: z wyniatkam raspusty, kožny, chto-b addaliŭ žonku swaju, stajecca pryčynaj jaje čužałožnaści; a chto-b z addalenaj ažaniŭsia — čužałožnik.
Prawa adnosna praŭdy.
3. Wy čuli tak-ža, što skazana ŭ Starym Zakonie: „Nie prysiahaj falšywa“. A Ja wam kažu: susim nie prysiahajcie: — ani na nieba, bo jano tron Boha, ani na ziamlu, bo jana padnožža noh Jahonych; ani na Jeruzalim, bo jość miestam wialikaha Waladara; ani na hołaŭ swaju nie prysiahaj, bo nia možaš wałaska adnaho bielym učynici, abo čornym. Ale mowa waša niachaj budzie „tak, tak“ — abo „nie, nie“.
Prawa adnosna hramady.
4. Wy čuli, što skazana: „Woka za woka, a zub za zub“. A Ja wam kažu: Nie supraciŭlajciesia złomu; ale kali chto ŭdaryć ciabie ŭ prawuju ščaku, nastaŭ i lewuju; a chto-b dziela saročki chacieŭ wadzić ciabie pa sudoch, adstupi jamu i wopratku; a chto-by prymušaŭ ciabie na tysiaču šahoŭ, idzi z im i dalej. Wy čuli, što skazana: „Lubi bližniaha swajho, a miej u nienawiści woraha swajho“. A Ja wam kažu: Lubiecie worahaŭ wašych, rabiecie dabro tym, chto was nienawidzić, i maleciesia za tych, što was praśledujuć i źniewažajuć.
Nia sudziecie, kab samym nia być sudžanymi. — Nia kidajcie taho, što światoje, sabakam, a perłaŭ wašych prad świńmi, kab nie pataptali nahami swaimi. — Rabiecie druhim toje, što chočacie, kab wam rabili.
U hetym uwieś Zakon i Praroctwy.