Hołas dušy (1934)/II/Razmyšleńni/Aŭtorak
| ← Paniadziełak | Aŭtorak Казаньне Аўтар: Казімір Сваяк 1934 год |
Sierada → |
Прапануем да спампаваньня!
Aŭtorak.
AB ČYSTAJ MYŚLI I DOBRAJ WOLI.
(Tamaš a Kempis).
1. Na dwuch kryllach uznosicca čaławiek nad hetym świetam: prawatoj dy čystatoj. Prawata maje być u chacieńni, čystata ŭ pačuwańni. Prawata imkniecca da Boha, čystata znachodzić Jaho i radujecca. Nijakaja sprawa nia budzie tabie ciažkaja, pakul budzieš swabodnym ad hrešnych nachiłaŭ. Kali da ničoha inšaha, jak tolki, kab byŭ ty miły Bohu dy karysny bližniamu, nia budzieš imknucca dy šukaci — tady ŭnutranaju swabodaju budzieš karystacca. Kali-b serca twajo było prostaje, tady ŭsieńkija twory byli-b lustram žyćcia i knihaju światoje nawuki. Niama tworu takoha maleńkaha dy błahieńkaha, jaki nia wykazwaŭ-by dabratu Boha.
2. Kali-b ty ŭ samym sabie byŭ dobry i čysty, tady lohka ŭsio bačyŭ-by dy razumieŭ. Čystaje serca nieba i piekła pranikaje. Kožny sudzić ab rečach jaŭnych tak, jaki sam jość u sercy. Kali jość sapraŭdy radaść na ziamli, dyk maje jaje čaławiek čystaha serca. I kali dzie jość turbota i złybiada, najlepš wiedaje heta błahoje sumleńnie. Jak žaleza ŭ ahni hublaje iržu, a pačynaje zihacieć i robicca čystym — tak i čaławiek, kali ŭsim sercam da Boha źwierniecca — kidaje swaje zahany i susim pieramianiajecca.
3. Kali čaławiek pačynaje stynuć, tady pałochajecca na’t maleńkaje raboty i achwotna pryjmaje zmannyja radaści. Kali-ž pačynaje sucelna siabie pieramahać i mužna jści šlacham Božym, tady mała zwažaje na toje, što raniej maniłasia jamu być nadta ciažkim.