Hołas dušy (1926)/II/Zialonyja Światy

← Uniebaŭstupleńnie, abo Ŭsšeście Chrystusa

Zialonyja Światy, abo Siomucha Казаньне Аўтар: Казімір Сваяк 1926 год

Św. Trojca →

Прапануем да спампаваньня!

Zialonyja Światy, abo Siomucha.
(Daŭniej Niadziela Rusalnaja).

1. Na dziesiaty dzień pa apuščeńni ziamielki, ssyłaje Chrystus na swaich apostałaŭ Ducha Światoha padčas malitwy ŭ wiačerniku: u znakach ahniowych i šumie padobnym da wichru. Razwažaj, — jak-to ad času taho i na nas spływaje łaska Ducha Božaha i jaho dary ŭ sakramentach i Imšy światoj, choć i nie

ŭ takoj miery, jak apostałam. Prywiadzi na pamiać, jak praz tuju łasku Ducha, pa afiary kryžowaj, stalisia my synami wybranymi Boha. Budź-ža hatoŭ zaŭsiody pryniać tyja Ducha światoha dary, mocaj katorych utrymaješsia na ściežcy duchowaha žyćcia, u miłaści Božaj i zhodzie z ludźmi.

2. Uspomni, jakija dary napoŭnili dušy apostałaŭ paśla zychodu na ich Ducha Św.: miłaść Boha haračaja, adwaha biazstrašnaja, mudraść hłybokaja, pabožnaść praŭdziwaja. Kali budzieš mieci Ducha Božaha ŭ sabie, paznaješ dobra praŭdy wiery swajej, zmožaš abaranić jaje prad zakidami biazwiercaŭ, a ŭ žyćci swaim budzieš zaŭsiody kirawacisia wyšejšymi dumkami.

3. Boža, Ty serca wiernych aświaciŭ praŭdaj św. Ducha. Daj-ža nam tym ducham paznawaci, što sprawiadliwa i Jaho paciechami radawacca. Praz Chrystusa Pana Našaha. Amen.