Hołas dušy (1926)/II/Nowy Hod

← Naradziny Chrysta Jezusa

Nowy Hod Казаньне Аўтар: Казімір Сваяк 1926 год

Try Karali, abo Bohajaŭleńnie →

Прапануем да спампаваньня!

Nowy Hod.
(1-ha studzienia).

1. Siańnia Syn Božy atrymaŭ imia Jezus, paddajučysia zwyčaju Staroha Zakonu: abrazańniu. Hetym dniom pieražywaje Jezus toje, što až da śmierci pieražywać maje: spaŭniaje wolu Boha, pasłušny Maryi i Jozefu. Sam Syn Božy słuchaje ludziej, a ludzi tak pyšnyja, što ŭmiejuć spraciwicca Jaho jaŭnym prykazańniam. Boha słuchać treba, ci ducha złoha: wybiraj!

2. Jak-ža jaśnieje pakora Jezusa! U stajni — ubohi, a pry abrazańni, jak hrešnik. Boh, na katorym hrechu niama, tak paniziŭ siabie, što postać hrešnika pryniaŭ. A ja, choć u hrechu pačaty i ŭ hrechu žywu, čurajusia hrešnikam nazwacca, stydajusia canić siabie papraŭdzie.

3. U hetaj tajnicy pakazwajecca miłaść Jezusa, bo zahadzia chacieŭ Jon Jezusam heta znača Zbaŭcam nazwacisia, a krywioj swajej miłaść swaju prypiačatać. Zrazumiej nabožnaść i radaść Maryi, kali dziciatka Jezusam zwać stała. Padumaj, čym dla ciabie Jezus: krynica ŭsialakaha dabra, ab jakim dumać možaš, sława i prad kožnym błahoćciem abarona. Hod Nowy začni pad asabliwaj apiekaj Zbaŭcy Chrystusa. Addajsia Jamu jznoŭ, jak na światym Chroście. Ja twoj, o Jezu, na hod ceły i na wieki.