Hołas dušy (1926)/II/Try Karali

← Nowy Hod

Try Karali, abo Bohajaŭleńnie Казаньне Аўтар: Казімір Сваяк 1926 год

Ačyščeńnie, abo Dziewy Maryi Hramničnaj →

Прапануем да спампаваньня!

Try Karali, abo Bohajaŭleńnie.
(6 studzienia).

1. Siańniašniaha dnia abchodzim try zdareńni praz katoryja ludzi paznali ŭ Chrystusie Boha samoha. Try mudracy z Uschodu addajuć Jamu pakłon. Pry chroście ŭ Jardanie Jan Chryściciel i inšyja čuli hołas Božy nad Jeruzalem: „Heta moj Syn najmilejšy“. A na wiasielli ŭ Kanie ŭčyniŭ Jezus pieršy cud i „ŭwieryli ŭ Jaho wučni“. Na pamiatku hetych zdareńniaŭ u kaściele łacinskim paświačajuć kadziła i krejdu, a ŭ sławianskim — wadu ŭ rekach i stawach.

2. Afiarawali mudracy małomu Jezusu mirru, kadziła i zołata. Mirra — na znak Jaho ludzkoj natury, zołata — na znak karaleŭskaje hodnaści, a kadziła — jak Bohu samomu: bo kadziła aznačaje malitwu. Pryznali hetaj afiaraj u Jezusie Boha i čaławieka ŭ wadnej asobie. — Nia stydajsia, bracie, wyjawić wiery swajej ŭ božstwa Chrystusa, ci to ŭ domie Božym, ci ŭ chacie. „Chto pryznaje mianie prad świetam — wučyć Chrystus — taho i ja pryznaju prad Ajcom maim“.

3. Cud u Kanie, hdzie Chrystus na prośbu Maryi pieramianiŭ wadu ŭ wino, słužyć dla nas nawukaj, jak majem wieryć u zastupnistwa Maryi prad Boham. „Wina nia majuć“ — šapnuła Maryja da Syna, widziačy turbotu maładych. I Jezus pasłuchaū matki, bo ŭžo pryšła chwilina pakazaci świetu, chto Jon. Dakanaŭ cudu i pawieryli Jamu, što Jon pasłaniec Božy. A padčas chrostu na Jardanie zaświedčyŭ tojesamaje Duch światy ŭ pastaci hałubka, i hołas z nieba Ajca: „Heta Syn moj — Jaho słuchajcie“. A ty, ci pilna słuchaŭ hołasu Božaha ŭ swaim sumleńni? Ci achwotna słuchaŭ nakazaŭ Chrystowych u światoj Ewanhielii? A mo’ kali wystupaŭ naproci wiery našaj, nia znajučy jaje i zabywajučy słowy Jezusa? „Hora krywadušnym“! Pastanawi śmieła i ŭsiudy pryznawać Jezusa Boham praŭdziwym.