Hołas dušy (1926)/II/Naradziny Chrysta Jezusa

Naradziny Chrysta Jezusa
Казаньне
Аўтар: Казімір Сваяк
1926 год

Прапануем да спампаваньня!

Naradziny Chrysta Jezusa.
(Daŭniej Kalady).

1. I zdaryłasia, kali jany byli tam, nastaŭ čas, kab paradziła. (Luc. 2,6). Hdzie Chrystus radziŭsia? Uwažaj na miesca adludnaje, paru zimnuju, čas načny… kruhom mizernaść i niadola. Chočaš, kab u dušy twajej naradziŭsia Chrystus? Nie pieracaniaj siabie; astudzi swaje niadobryja parywy; lubi udumlenym byci; ubohim budź achwotna i pakornym. Palubić Syn Božy ŭ tabie toje, što sam wybraŭ na świecie.

2. „I paradziła syna swajho pierwarodnaha“. Uwažaj, z jakoj pašanaj, pakoraj i miłaściaj Pračystaja Dziewa syna pryniała, i jak na zbaŭleńnie hrešnaha świetu Ajcu Bohu afiarawała. Słuchaj płač, zwaž na ślozy; pytaj, čaho

płača, a pačuješ adkaz, što nia maje paciechi z tych, chto marnuje trudy Jaho. Pastanawi jści za im i druhich da Jaho kirawaci.

3. „I spawiła jaho ŭ pialonki i pałažyła ŭ žołabie“. Widziš, jak Syn Božy ad małoha wybiraje sabie niadolu! A ty tak dryžyš i ŭciakaješ ad ćwiordaha žyćcia. Nia było jamu miesca ŭ zajeździe. „Pryjšoŭ da swaich, a swaje nia pryniali Jaho“. Tak ci mała chto i ciapier wyhaniaje z dušy swajej Boha, choć Jon z łaski swajej sam pieršy budzić nas da dobraha ŭčynku. Ci-ž toj, chto stwaryŭ ciabie dziela swajej chwały i dziela twajho ščaścia, nia znajdzie dla siabie ŭ dušy twajej miesca? A mo’ tudy znajdzie sabie darohu toj, što starajecca ciabie zhubici?..