Hołas dušy (1926)/II/Myśli na wažniejšyja światy hodu

← Malitwy padčas Niešparaŭ

Myśli na wažniejšyja światy hodu Публіцыстыка Аўтар: Казімір Сваяк 1926 год

Niepawinnaje Začaćcie Dziewy Maryi →

Прапануем да спампаваньня!

ČAŚĆ II.

MYŚLI NA WAŻNIEJŠYJA
_●^●_●ŚWIATY HODU_●^●_●

(Na padstawie razmyšleńniaŭ A. Šnejdera i inšych).

Nawučysia dumać ab usim, što spatykaje ciabie na świecie. Boh daŭ rozum na toje, kab hledziačy, što dzieicca kruhom, samym dajści da paznańnia praŭdy. Z usich razwažańniaŭ najmilejšym Bohu — razmyšlennie ab praŭdach relihii i ab uspakajeńni dušy našaj u Bohu. Medytacyja — heta najlepšaja malitwa, bo najlepš słužyć da paznańnia Boha i paprawy žyćcia.

Razmyšlaj paprostu. Najpierš prypomni sabie Boha i Jaho žywuju suwiaź z dušoju. Jon, blizka. Jon prani- kaje istotu twaju. Čeść Jamu daj, prasi pomačy. Pasla uwažna čytaj pradmiet swajho razwažańnia. Zrazumiej jaho dobra i prystasuj da swajho žyćcia štodziennaha. Pastanaŭleńnie rabi praktyčna: wiedaj, što pastanaŭlaješ i wiedaj, što pastanowu spoŭnić treba. Pastanaŭlennia mutnyja, katoryja spoŭniu kaliś, jak budzie možna — ničoha niawarty, bo niepraktyčny. Konč razmyšleńnie ščyraj prośbaj da Boha. Kali knižki da razmyšleńnia nia maješ, to razmyšlaj toje, što ŭmieješ na pamiać, prymieram paciery, katechizmy, — abo što dobraje kali wyčytaŭ, ci pačuŭ. Takoje razmyšleńnie moža być nawat lepšym, jak knižnaje, bo wučyć nas dumać samawita. Razmyšlaj najbolš budučy na nabaženstwie, bo ŭ światyni Božaj usio pabudžaje da myśli pawažnaj, i tolki ludzi pustadumnyja, abo biazwiercy, mohuć tam razhladacca, abo śmiajacca. Paśla pryniaćcia Eŭcharystyi, pierš čym budzieš čytać jakija malitwy nabožnyja, razmyšlaj choć jaki kwadrans, bo para najlepšaja tady Boha paznać i saboj pakirawać.

Umiej hladzieć na žyćcio čaławieka. Umiej dumać hłyboka, bo ŭ myślach pačynajecca našaje dziejańnie. Jakaja budzie twaja dumka, takoje i žyćcio: a jakoje žyćcio, takaja i wiečnaść.