Hołas dušy (1926)/II/Światych Apostałaŭ Piatra i Paŭła

← Naradziny św. Jana Chryściciela

Światych Apostałaŭ Piatra i Paŭła Казаньне Аўтар: Казімір Сваяк 1926 год

Cyrylla i Metoda, św. Apostałaŭ sławianskich →

Прапануем да спампаваньня!

Światych Apostałaŭ Piatra i Paŭła.
(29-ha čerwienia).

1. Światyja Piotr i Pawał byli niatolki Apostałami, ale i mučanikami. Abodwa addali hołaŭ za Chrystusa ŭ Rymie pry Neronie, pryčym Piatra ŭkryžawali strymhałoū. Pieršaje imia Piatra było Symon, Piatrom nazwaŭ jaho Chrystus, kali pazwaŭ z bratam Andrejem na Apostałaŭ. Imia Piotr dasłoŭna značyć kamień-skała. Nazoŭ hety maje tajničnaje značeńnie. Chrystus, kali pastanawiŭ Piatra swaim namieśnikam, tak skazaŭ jamu: „Ty jość Piotr (što znača skała), na tabie zbuduju światyniu maju, a waroty piekła jaje nie pieramohuć“. A paśla, zapytaŭšy: „Piotr, lubiš mianie bolš, čym druhija?“, tak pramowiŭ: — „Pasi jahniaty maje, pasi awiečki maje“. A na druhim miescy tak kaža: „Ja maliŭsia za ciabie, kab nie asłabieła wiera twaja, a ty kaliś skrepleny ŭzmacniaj brać swaju“.

2. Światy Pawał zmołądu byŭ woraham Chrystusa. Ale Jezus cudam zwiarnuŭ jaho na darohu apostalstwa i tady Pawał z woraha staŭ Apostałam až da śmierci wiernym sprawie Chrystowaj. Prašoŭ mnoha krajoŭ, usiudy apawiadajučy Ŭkryžawanaha Jezusa i zakładajučy kaścioły. Napisaŭ 14 piśmaŭ, u katorych zmiaściŭ tyja praŭdy Božyja, za katoryja žyćcio addaŭ.

3. Dziakuj Bohu, bracie, što radziŭsia ty na łonie Katalickaha kaścioła. Służy jamu wierna, a časta malisia, kab Boh prywioŭ da abjadnańnia niatolki naš narod u adnej wiery praŭdziwaj, ale kab i ŭsie inšyja spaznali jednaść, apostalskaść, świataść i suświetnaść wiery Piatra i Paŭła.