Hołas dušy (1926)/I/Malitwy wiačornyja

Malitwy wiačornyja
Малітвы
Аўтар: Казімір Сваяк
1926 год

Прапануем да спампаваньня!

Malitwy wiačornyja.

Prad wiačornymi malitwami zrobiš karotki rachunak sumleńnia: ci nie zmarnawaŭ dnia, ci nia skryŭdziŭ kaho, ci nie zhrašyŭ Boha jakim słowam hidkim, abo myślaj niahodnaj, abo ŭčуnkam škodnym. Jeśli tak było, kajsia ščyra i pastanawi, što zaŭtra budzieš lepšym. Kali Boh pazwoliŭ tabie zrabić što dobraje, padziakuj Jamu i nie chwalisia nikomu.

Psalm.

Zžalsia nada mnoj, Boža, pawodle wialikaha miłaserdzia Twajho.

A pa mnahacie miłaserdzia swajho satry nieprawatu maju.

Najbolš abmyj mianie z nieprawaty majej i z hrechu majho ačyści mianie.

Bo nieprawatu maju ja znaju, a hrech moj prada mnoj zaŭsiody

Tabie Adzinamu ja zhrašyŭ i zło prad Taboj učyniŭ, kab apraŭdaŭsia Ty ŭ słowach swaich i pomściŭ, kali sudzić budzieš.

Bo woś ja ŭ nieprawotach začaty i ŭ hrachu radziła mianie maci maja.

Bo woś Ty praŭdu palubiŭ; niaznanaje i tajnaje mudraści Twajej abjawiŭ mnie.

Akrapi mianie hizopam i ačyščan budu; abmyješ mianie i śniehu bialejšym stanu.

Słuchu majmu dasi radaść i wiasielle i ŭradujucca pakornyja kości.

Adwiarni twar Twoj ad hrachoŭ maich i ŭsie nieprawoty maje ačyści.

Serca čystaje stwary ŭ-wa mnie, Boža, a ducha prostaha adnawi ŭ nutroch maich.

Nie adkiń mi nie ad abličča swajho i Ducha Twajho światoha nie adbiary ad mianie.

Wiarni mnie radaść zbaŭleńnia Twajho i ducham waladarnym utwiardzi mianie.

Pakažy niawiernym darohi Twaje i biazbožnyja da Ciabie nawiernucca.

Ścieražy mianie ad krywawych dzieł, Boža, Boža zbaŭleńnia majho; chwalić budzie jazyk moj sprawiadliwaść Twaju.

Panie, adčyni wusny maje: apawiaščać buduć chwału Twaju. Bo kali-b Ty chacieŭ afiary, ja daŭ-by; ale z daraŭ rad Ty nia budzieš.

Afiara Bohu duch pakutny; sercam zbalełym i pakornym Boh nia ŭzhardzić.

Paščaśliŭ, Boža, łaskaj Twajeju Syjon i niachaj zbudujucca ścieny Jeruzalem.

Tady rad budzieš z afiary sprawiadliwaj, i z prynosu, i z daraŭ; tady pałožać na aŭtar Twoj žywiny.

∗
∗ ∗

O, Dziewa Pračystaja, Maci Jezusa, maja Zastupnica Łaskawaja! Paručajusia Twajej apiecy i cełaj istotaj majej addajusia Tabie. Barani mianie, Dobraja Matuchna, ad pakusaŭ šatana i cialesnaj napaści i wyprasi lasku u Najmilejšaha Syna ahladaci i sławić Boha na wieki wiečny.

Miej zlitawańnie, o Boža, nad dušami maich baćkoŭ, bratoŭ, siostraŭ, swajakoŭ i nad dušami tych, što zyšli z świetu ŭ nadziei na žyćcio wiečnaje. Wiečny supakoj daj im, o Panie, a światło biazustannaje niachaj im świecić; niachaj adpačywajuć na wieki. Amen.

Ojča naš… Prywitana budź…
Wieru… Chwała… †