Hołas dušy (1926)/I/Malitwy ranišnija

← Pradmowa

Malitwy ranišnija Малітвы Аўтар: Казімір Сваяк 1926 год

Malitwy wiačornyja →

Прапануем да спампаваньня!

ČAŚĆ I.

MALITWY.

Malitwy ranišnija — (paciery).

Jak dzień začnieš, tak jaho i skončyš. Cani żyćcio swajo, cani kožnuju chwilinku. Kožnaja chwilina dana nam Boham z łaski. Boh daŭ nam čas da naprawy złoha, što ŭ nas i z nas. Marnawańnie času, heta — hrech. Začni dzień malitwaj, choć i karotkaj, ale z serca idučaj.

† U imia Ajca i Syna i Ducha Św. Amen.

O Boža, nie adkažy mnie Twaich daraŭ niabiesnych. O Boža, wybač mnie toje, što sahrašyŭ ja dumkaj, słowam, abo ŭčynkam. Barani mianie ad maładušnaści i zakamianiełaści serca. Wybaŭ mianie ad usialakaj hrachowaj pakusy. O Boža, aświaci majo serca, zahidžanaje drennym pačućciom. O Boža, ja hrešny čaławiek, a Ty Boh miłaściwy: Ty znaješ maju słabaść — zžalsia nada mnoj. O Boža, pašli mnie na pomač Twaju łasku — prasłaŭlaci światoje Imia Twajo!

O Chryste Jezu, Zbaŭca moj! Upišy mianie słuhu Twajho — ŭ knihu žyćcia i daj mnie śmierć ščaśliwuju. Boža moj, choć dahetul nie zrabiŭ ja ničoha dobraha prad Taboj, Ty ŭspamažy mianie łaskaj swajej zrabici pačatak dobraha. O Boža, pakrapi majo serca rasoju łaski Twajej. O, Waładaru nieba i ziamli, pomni mianie hrešnaha słuhu swajho haspadarstwie swaim!

O Boža, pryjmi mianie, bo ja kajusia. Nie adstupajsia ad mianie. Nia daj mnie ŭ napaść złoha zwalicisia. O Boža, daj mnie ślozy pakuty i pamiać na śmierć. Daj mnie cnoty pakory, čystaty, posłuchu. Daj mnie ciarpliwaść, wialikadušnaść, łahodnaść. O Boža, załažy ŭ-wa mnie korań dobraha i strach prad Taboj u sercy maim. Niachaj budu ja zdatnym lubici Ciabie z cełaha serca i čynici zaŭsiody wolu Twaju. Barani mianie ad ludziej sapsutych, ad duchaŭ niačystych, ad złoha pažadańnia. Boža moj, Ty ŭsio robiš pawodle swajej woli pradwiečnaj: niachaj-ža wola Twaja spoŭnicca nada mnoj hrešnym. O, budź bahasłaŭleny na wieki. Amen. † ^[1]

∗
∗     ∗

Pomni, o Dziewa Maryja

Najmiłaściwiejšaja, što ad wieku niačuwana, kab toj, chto da Twajej abarony ŭciakaje i Twajej pomačy prosić, — byŭ Taboju apuščany. Za hetaj nadziejaj idučy, o Dziewa nad Dziewy, Maci Božaja, kliču Ciabie ŭ majej niadoli i jak hrešnik šukaju Twajho zlitawańnia. O, Maci Pradwiečnaha Słowa, nia ŭzhardź maleńniem maim, ale pryjmi jaho łaskawa! Amen.

∗
∗     ∗

Aniele Boży, Wartaŭničy moj, mianie addanaha Tabie wolaj Najwyšejšaha, aświaci, kiruj i bieražy ad błahoha. Amen.

∗
∗     ∗

Ojča naš, katory jość u niebie. Świacisia imia Twajo. Pryjdzi waładarstwa Twajo. Budź wola Twaja, jak na niebie, tak i na ziamli. Chleba našaha štodziennaha daj nam siańnia. I adpuści nam hrachi našy, jak i my adpuskajem winawatym našym. I nie ŭwadzi nas u pakusu, ale zbaŭ nas ad złoha. Amen.

∗
∗     ∗

Prywitana budź, Maryja, poŭnaja łaski. Pan z Taboju. Bahasłaŭlena Ty miž žančynaŭ i bahasłaŭlen płod ułońnia Twajho, Jezus. Świataja Maryja, Maci Boža. Malisia za nas hrešnych ciapier i ŭ časinu śmierci našaj. Amen.

∗
∗     ∗

Wieru ŭ Boha Ajca Ŭsiomahutnaha, Stwaryciela nieba i ziamli. I ŭ Jezusa Chrystusa, Syna Jaho adzinaha, Pana našaha. Katory pačaŭsia z światoha Ducha, naradziŭsia z Maryi Dziewy. Zamučan pry Ponskim Piłatu, ukryžowan, pamior i pachawany. Zyjšoŭ da piekła, treciaha dnia paŭstaŭ z umioršych. Uzyšoŭ u nieba, siadzić prawaruč Boha Ajca Ŭsiemahutnaha. Adtul pryjdzie sudzić żywych i pamioršych, Wieru ŭ Światoha Ducha. Światy Kaścioł Katalicki, łučnaść światych. Adpuščeńnie hrachoŭ. Z umioršych paŭstańnie. Żyćcio wiečnaje. Amen.

∗
∗     ∗

Chwała Ajcu i Synu i Duchu światomu:

Jak bylo spradwieku, ciapier i zaŭsiody i na wieki wiečnyja. Amen. †

---

1. Z piśmaŭ św. Chryzostama.