Янку Купалу

З пляцоўкі Вікікрыніцы
Jump to navigation Jump to search
Янку Купалу (эпіграма)
эпіграма
Аўтар: Цішка Гартны
Крыніца:http://tsikhan.livejournal.com/81203.html (ЛіМ. - 1932. - № 15 ад 5 жніўня. - С.4)


Ў шкапу за шклом "Жалейка" з "Шляхам",
А побач змораны "Гусьляр"...
На іх глядзіць з-пад акуляр
Поэта сумны з нейкім жахам.

Прайшло-мінула колькі год -
Здалёк напеўныя руляды...
Ён твор зьмяніў на пераклады,
А Юрку нават на факстрот.

І толькі прыйдзе тое лета,
Як думкі шмыгаюць у сад.
Там лера дбайнага поэты
Бранчыць рыдлёўкай каля град.