Шляхам жыцьця (1913)/IV/Праз што плачэш, мужычок?..

← Ці-ж гэта многа?!

* * * «Праз што плачэш, мужычок?..» Верш Аўтар: Янка Купала 1913 год

Песьня сіроткі →

Іншыя публікацыі гэтага твора: Праз што плачаш, мужычок?..

Прапануем да спампаваньня!

* * *

Праз што плачэш, мужычок?
— Праз людзей і неба.
Чаго хочэш, мужычок?
— Трохі солі, хлеба.
Калі шчасліў, мужычок?
— Як водкі напьюся.
Калі грозен, мужычок?
— Як з жонкаю бьюся.
Праз каго сыт, мужычок?
— Праз свой труд і сілу.
А ня крыўдзяць калі ця?
— Як лягу ў магілу.

---