Шляхам жыцьця (1913)/II/Явар і Каліна

Явар і Каліна
Верш
Аўтар: Янка Купала
1913 год

Іншыя публікацыі гэтага твора: Явар і каліна.

Прапануем да спампаваньня!

Явар і каліна.

Песьняй вясны лебядзінаю
Скінуўшы зімніе чары,
Шэпчэцца Явар с Калінаю
Ў сумнай даліне над ярам.
Лісьцікі зеленяй хваляцца
Небу панятлівай мовай;
Росамі мыюцца раніцай,
Песьцяцца сонцэм паўднёвым.
Захадам модлы пакорные
З маткай-зямлёй атпраўляюць;
Тайна у ночэньку чорную
Месяца, зор выгледаюць.
Слухаюць сьмехаў русалчыных,
Лопату крыльлёў начніцы,
Ветру павеваў апьянчэных,
Плюскату шклістай крыніцы.
Чуецца музыка дзіўная
У повесьцях сонных імшараў…
Цешыцца Явар с Калінаю,
Скінуўшы зімніе чары.