Шляхам жыцьця (1913)/II/З асенніх напеваў/Сьцелюцца цэлы дзень росы…

З асенніх напеваў 2.
Верш
Аўтар: Янка Купала
1913 год

Прапануем да спампаваньня!

2.

Сьцелюцца цэлы дзень росы,
Вечны цень сьпіць на зямлі,
Бледные сонцавы косы
Выглянуць рэдка калі.
Здаля даносюцца шумы,
Ў коміне шумы пяюць;
Ціснуцца будніе думы,
Сноў забыцьця не даюць.
Нейкая зводная сіла
З выглядом вечна старым
Вабіць здалёку магілай,
Крыжам міргае сваім.