Шляхам жыцьця (1913)/II/Дуб

З пляцоўкі Вікікрыніцы
Явар Дуб
Верш
Аўтар: Янка Купала
1913 год
Верба
Іншыя публікацыі гэтага твора: Дуб (Купала).

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Дуб.

Распусьціўшы суччэ
У глухім прывольлі,
Сам адзін расьце ён
На далёкім полі.
Як цар, у кароні
Аб нічым не дбае,
Ці то стогне бура,
Ці віхор гуляе.
На адным ён мейсцы
Днюе і начуе;
Многа казак знае,
Многа песень чуе.
Дождж падмыў карэння;
Ў ім дупло—як хата…
Ён стаіць і дрэмле—
Грозны, расахаты.