Хрэстаматыя новай беларускай літэратуры (1927)/I/Б/Цётка/З раскіданых вершаў/Вясковым кабетам

Вясковым кабетам
Верш
Аўтар: Цётка
1927 год

Іншыя публікацыі гэтага твора: Вясковым кабетам.

Прапануем да спампаваньня!

З раскіданых вершаў.

Вясковым кабетам.

Ой, сястрычкі, ой вясковы,
Ой, вы, кветкі прызавяты!
Вашы твары, як васковы,
Вашы шчочкі сьлязьмі зьмяты…

Як каліну град страсае,
Як пярун каменьне крышыць,
Так лёс рана вас ламае,^[1]
Так жыцьцё красу вам нішчыць.

Колькі болю ў вочах хмурных,
Колькі скаргі з губ зьбялелых,
Колькі срэбра^[2] ў косах густых,
Колькі поту з рук абмлелых.^[3]

А за гэта вам — дзьве дошкі
І крыж з хвоек ледзьве зьбіты,
І у памяць плачуць дочкі
Бо й яны, як бы, забіты.

Ой, кабеты, ой, вясковы,
Ой, вы, кветкі прызавяты!
Ой, лілейкі вы бяз мовы,
Ой, вы, птушкі бясскрыдлаты!..^[4]