Ты ночкаю каляднай варажыла…

Ты ночкаю каляднай варажыла… верш Аўтар: Максім Багдановіч 1909

Прапануем да спампаваньня!

 * * *

Ты ночкаю каляднай варажыла
І ў воду воск напоўправідны ліла,
Цікавячы, што выхадзіла мне:
Курганчык… белы крыжык… так, магіла!
У гэты рок я буду ўжо ў труне.

І, броўкі хмурачы, са дна ўзяла
Ты белы воск, яго сціскала, мяла
І, смеючысь, сказала: «Дзе твой кон?
Дык чым бы моц яго нас ні спаткала —
Ў маіх руках, як воск, падасца ён».