Творы М. Багдановіча (1927—1928)/I/II/У зачарованым царстве/97

← 96. Бура

97. ⁂ У небе — ля хмары грымотнай — празрыстая, лёгкая хмара Верш Аўтар: Максім Багдановіч 1927 год

98. Возера →

Іншыя публікацыі гэтага твора: У небе — ля хмары грымотнай — празрыстая, лёгкая хмара…

Прапануем да спампаваньня!

97.

∗     ∗
∗

У небе — ля хмары грымотнай — празрыстая, лёгкая хмара
Шпарка плыла, і абедзьве чагось чырванелі ад жару.
Зьліцца жадалі яны, зрабіліся-б хмарай магутнай,
Але далёка іх вецер разьнёс, наляцеўшы нячутна.

Дробным дажджом над зямлёй, як сьлязамі, адна пралілася;
Гулкім раскатам грымотаў другая ў адказ азвалася.
І паасобку загінулі хмары бяздольныя тыя,
Чуючы ў небе, як вецер над сьмерцю іх радасна вые.

Увагі

97. У небе ля хмары… Напісаны верш, як зазначана рукою аўтара ў экзэмпляры „Вянка“ № 1 у 1910 годзе.
Першы раз выдрукаваны ў „Н. Н.“ 1910 год. № 39.
Варыянты „Н. Н.“:

3		Трапілась зьліцца-б і ім тут,
		дык зрабілася-б хмаркай магутнай.

7		І ў самаціне загінулі недзе
		хмары дзьве тыя,

8Чуючы, злосны, як вецер…

У экзэмпляры „Вянка“ № 2 увесь верш закасованы рукою аўтара, але новага тэксту ня дана (гл. ўвагу да II разьдз.).