Творы М. Багдановіча (1927—1928)/I/II/У зачарованым царстве/106

106. ⁂ Плакала лета, зямлю пакідаючы
Верш
Аўтар: Максім Багдановіч
1927 год

Іншыя публікацыі гэтага твора: Плакала лета, зямлю пакідаючы…

Прапануем да спампаваньня!

106.

∗ ∗
∗

Цветы последние милей
Роскошных первенцев полей.
А. Пушкин.

Плакала лета, зямлю пакідаючы;
Ціха ліліся сьлязінкі на поле.
Але прыгожаю восеньню яснаю
Там, дзе упалі яны, вырасталі
Кветкі асеньнія, кветкі, ўспаёныя
Тугаю, горам, сьлязінкамі лета.
Кветкі асеньнія, родныя, бледныя!
Вырасьлі вы, каб ураз-жа і згінуць.
Можа таму-то душа надарваная
Гэтак любоўна вянок з вас сплятае.

Увагі

106. Плакала лета… Першы раз выдрукаваны ў „Вянку“.
У экзэмпляры № 2 верш рукою аўтара закасованы (гл. ўвагу да II разьдзелу).
6„тугаю“ зам. „тугою“ пакінута для захаваньня разьмеру вершу.