Творы М. Багдановіча (1927—1928)/I/II/У зачарованым царстве/102

← 101. ⁂ Цёплы вечар, ціхі вецер, сьвежы стог

102. ⁂ Добрай ночы, зара-зараніца Верш Аўтар: Максім Багдановіч 1927 год

103. ⁂ Ціха па мяккай траве →

Іншыя публікацыі гэтага твора: Добрай ночы, зара-зараніца!..

Прапануем да спампаваньня!

102.

∗     ∗
∗

Добрай ночы, зара-зараніца!
Ўжо імгла над зямлёю лажыцца,
Чорнай рызаю ўсё пакрывае,
Пылам зор небасхіл абсявае.
Цішына агартае мне душу.
Вецярок прыдарожную грушу
Ледзьве чутна варуша-калыша,
Міла бомы сьмяюцца у цішы,
Ціха срэбрам грукае крыніца.
Добрай ночы, зара-зараніца!

Увагі

102. Добрай ночы, зара-зараніца! Напісаны верш, як зазначана рукою аўтара ў экзэмпляры „Вянка“ № 1, у 1911 годзе.
Першы раз надрукованы ў „Вянку“.
Захаваўся чарнавы аўтограф вершу (п. IV. № 8) з наступнымі варыянтамі:
1Добры вечар…

7		Правявае, варушыць ледзь чутна.
		Чуць варуша, чуць лісьці калыша.

Варыянты ў экзэмпляры „Вянка“ № 2:
8Пазваночкі сьмяюцца ў цішы…