Спадчына (1922)/VI/Сваякі

← Буралом

Сваякі Верш Аўтар: Янка Купала 1922 год

Ястраб, лісіца й певень →

Іншыя публікацыі гэтага твора: Сваякі (Купала).

Прапануем да спампаваньня!

СВАЯКІ.

Раз абселі беларуса
Маскалі ды Ляхі,
І давай яму сваяцтва
Тыкаці з-пад пахі:

—Ты мой ісьцінны браточак!—
Маскалёк бармоча;
—Ты мой хрэсьнік, мой сыночак!—
Юда-Лях сакоча.

Беларус-жа ім на тое:
— Сваячкі мае вы:
Смачны жолудзь вам на каву,
Дый высока дрэва!—

1914 г.