Песьня III. Песьня

З пляцоўкі Вікікрыніцы
Jump to navigation Jump to search
Песьня
Верш
Аўтар: Францішак Багушэвіч
Крыніца: http://rv-blr.com/vershu/view/399


Аж сьмяялася сарока,
Як з'арала баба гоні;
Заяц спудзіўся ад вока,
Ад гарбы падохлі коні.

      Аж лісіцы забрахалі,
      Як мужык грачыху рваў,
      Воўкі полудзень забралі,
      Як ён першы сноп вязаў.

Баба люльку кура ў хаце,
А мужык пярэ кашулі,
Конь пасецца на лапаце,
А на вербе растуць дулі.

      Ой, на прыпечку ў балоце
      Лавіў рыбку гаспадар,
      А пры выгане на плоце
      Хаваў грошы аліндар.

Ой, нявестка цешчу любе,
А сын бацьку шанаваў,
На сабакі заяц трубе,
Вінны доўг сам аддаваў!