Смык беларускі (1894)/Piesni/III

III. Piesnia
Верш
Аўтар: Францішак Багушэвіч
1894 год

Іншыя публікацыі гэтага твора: Песьня (Аж сьмяялася сарока…).

Прапануем да спампаваньня!

III. Piesnia.

Aż smiajałasia saroka,
Jak zarała baba honi ;
Zajac spudziŭsia ad woka,
Ad harby padochli koni,

Aż lisicy zabrachali,
Jak mużyk hraczychu rwaŭ, —
Woŭki połudzień zabrali,
Jak jon pierszy snop wiazaŭ.

Baba lulku kure ŭ chacie,
A mużyk piare kaszuli,
Koń pasietca na łapacie,
A na wierbie rastuć duli.

Oj na prypieczku ŭ bałocie
Ławiŭ rybku haspadar,
A pry wyhanie na płocie
Chawaŭ hroszy alindar.

Oj niawiastka cieszczu lubie
A syn baćku szanawaŭ,
Na sabaki zajac trubie,
Winny doŭh sam addwaŭ !