На ростані (1924)/II/Чырванее заход ад марозу

⁂ Чырванее заход ад марозу
Верш
Аўтар: Уладзімір Жылка
1924 год

Іншыя публікацыі гэтага твора: Чырванее заход ад марозу…

Прапануем да спампаваньня!

∗
∗ ∗

Чырванее заход ад марозу,
Пад нагамі парыпвае сьнег;
Быццам чорная думка з пагрозай
Змрок паўзе, выглядае з-пад стрэх.
К ночы вецер падняўся у боры
І бушуе з канца ў канец,
А на вокнах зьявіліся ўзоры…
Гэй, пара запаліць каганец!
Доўгі вечар зімовы, бяз меры,
Песьням ветра ўважаць немага…
Сьлізкай га̀дзінай, вузкай і шэрай,
Аблягае ля сэрца туга…