Чырванее заход ад марозу…

Чырванее заход ад марозу... Верш Аўтар: Уладзімір Жылка

Крыніца: http://rv-blr.com/vershu/view/6582

Прапануем да спампаваньня!

 * * *

Чырванее заход ад марозу,
Пад нагамі парыпвае сьнег;
Быццам чорная думка, з пагрозай
Змрок паўзе, выглядае з-пад стрэх.

К ночы вецер падняўся у боры
І бушуе з канца у канец,
А на вокнах з'явіліся ўзоры...
Гэй, пара запаліць каганец!

Доўгі вечар зімовы, без меры,
Песьням ветру ўважаць немага...
Сьлізкай гадзінай, вузкай і шэрай,
Аблягае ля сэрца туга...

(1922)