На Радуніцу

← Вясной

На Радуніцу Верш Аўтар: Вацлаў Ластоўскі 1923 год Крыніца: Часопіс «Крывіч», № 1, чэрвень 1923 г., б. 3

На каложы ў Горадні →

З цыклю «Конадні»

Прапануем да спампаваньня!

НА РАДУНІЦУ.

Над рэчкаю, паміж балот,
магільны груд зямлі;
валтоўкамі заве народ грудкі,
бо волатаў славуты род,
між бронзавых аздоб,
злажыў тут свой прысок.
Вясной,
спраўляючы дзядоў,
мы, жыхары дрыгвін,
сьпяшым яйко разьбітае ўкапаць
на прашчурных касьцях.
А робім то на знак,
што ў нас плыве іх кроў,
што мы, —
даўлетных волатаў,
ў ярме змалеўшыя, — нашчадкі…

---