Мая ліра (1924)/V/Дзяўчынка і Гульба

← Кавэрня

Дзяўчынка і Гульба Верш Аўтар: Казімір Сваяк 1924 год

Рады (з Эдды) →

Прапануем да спампаваньня!

ДЗЯЎЧЫНКА І ГУЛЬБА.

Плывець ручаінка
Стужачкай зялёнай, —
Гуляе дзяўчынка
Ў хустачцы чырвонай.

Плывець даліночкай
Водная дарожка, —
Плача маці з дочкай:
Пасьлізнулась ножка.

Паплыла як стужка
Рэчка ўдалечыну, —
Гойдае дачушку
Сьлёзная дзяўчына.

З рэчкі страх зьявіўся,
Стогне ў моры маўка, —
Дзяцюк ажаніўся,
Дзяўчо ўжо русалка.