Мая ліра (1924)/V/Рады

← Дзяўчынка і Гульба

Рады (з Эдды) Верш Аўтар: Казімір Сваяк 1924 год

Брату настаўніку →

Іншыя публікацыі гэтага твора: Рады (Сваяк).

Прапануем да спампаваньня!

РАДЫ (з Эдды).

Хвалі гожасьць дзянёчка,
Як кончыцца прыгожая;
Хвалі пекнасьць дзяўчынкі,
Як замужам нябожа.

Меч толькі прабаваны
Тваей пахвалы годны;
Лёд — калі яго пройдзеш
І чуеш грунт свабодны.

Ня вер салодкім слоўцам
Кабеткі, або панны;
Ня вер зьмейцы, што дрэміць,
Ня вер сьвету, бо зманны,

Сьцеражыся віляньня
Сваей жоначкі вернай:
Ня вер ў сілу багацтва,
Ня вер хітрасьці беднай.

Дзе увойдзеш — пільнуйся,
Ці ёсьць выхад бяспечны:
Не згадаеш, скуль выйдзе
Вораг — лёс твой прадвечны.