Любімось, мае суседзі!

З пляцоўкі Вікікрыніцы
Jump to navigation Jump to search
Любімось, мае суседзі!
Верш
Аўтар: Янка Купала
Крыніца: http://rv-blr.com/vershu/view/886



Любімось, мае суседзі!
        Кіньма сваркі, звадкі;
Жыйма, як родныя дзеці
        Адной нашай маткі!

Што ты маеш з сваёй звадкі,
        Зь дзікай ненавісьці?
Людзі толькі насьмяюцца,
        І ўсёй той карысьці.

Людзі толькі насьмяюцца,
        Ўрагі скарыстаюць,
Над душой чорт запануе,
        Ўнукі цябе злаюць.

А пачнема жыці ў згодзе
        Ў пачцівай, харошай, –
Знойдзем долю, знойдзем волю,
        На зваротак – грошы.

Ўрагам нашым прыступіцца
        Трудна тады будзе,
Ды ў суседзяў ласку маюць
        Згодлівыя людзі.

Дык любімася, суседзі!
        Кіньма сваркі, звадкі;
Жыйма, як родныя дзеці
        Адной нашай маткі!

(1905–1907)