З палёў Заходняй Беларусі (1927)/III/Я люблю густыя шумы…

← Сьмяротны пах

⁂ Я люблю густыя шумы… Верш Аўтар: Уладзімір Жылка 1927 год

⁂ Векавечны, хмуры бор… →

Іншыя публікацыі гэтага твора: Я люблю густыя шумы…

Прапануем да спампаваньня!

∗
∗     ∗

Я люблю густыя шумы,
Перагуд высокіх хвой.
Ў цень і ціш лясной задумы
Я люблю прыйсьці вясной.

Спачываючы ад болю,
Ад няпраўды і маны,
Пазнаваць чужую волю,
Дыхаць пахам сасьніны.

І, спусьціўшыся лагчынай
У заросшы дол сыры,
Між бяроз, густой ляшчынай
Заблудзіцца ў гушчары,

Дзе таемна, сьцішна, змрочна,
Дзе вільготны, мяккі мох,
Дзе ўзіраецца ставочна
Збуджаны Перапалох.

1923 г.