З палёў Заходняй Беларусі (1927)/I/Меч

← Віхор

Меч Санэт Аўтар: Уладзімір Жылка 1927 год

⁂ Хто мужны, хто сьмелы, хто дужы… →

Іншыя публікацыі гэтага твора: Меч (Жылка).

Прапануем да спампаваньня!

МЕЧ

Яго ў зямлі знайшоў маёй разлогай,
Гаручы прадзедаў вузкі загон.
Вясёлым звонам аказаўся ён,
Калі чапіў канцом майго нарога.

Абцёр пабожна йржу часу благога,
І заблішчаў старых стагодзьдзяў сон,
І напіс на клінку, нібы закон, —
„Да рэшты бой!“ — зірнуў загадам строга.

І вось няма нясьмеласьці, разваг.
Для сэрца вернага — чужынцам страх:
Радзімы схоў вартуйце, маткі, сёстры!

Я з грамадой іду па шчасьце нам.
Мой меч зіхціць непераможны, востры.
Змагуся сам — так сотням перадам!

1924 г.