Збор твораў (Купала, 1925—1932)/VI/III/Міжнародны гімн

← Дзіцячае

Міжнародны гімн Верш Аўтар: Эжэн Пацье 1932 год Арыгінальная назва: L’Internationale (1871) Пераклад: Янка Купала

Кавалі →

Іншыя публікацыі гэтага твора: Міжнародны гімн (Пацье/Купала).

Прапануем да спампаваньня!

МІЖНАРОДНЫ ГІМН

(„ІНТЭРНАЦЫЯНАЛ“)

Напісаў Эжэн Пот‘е. Пераклад з францускага орыпіналу

Гэта бой наш астатні
За працоўны народ,
Каб у лучнасьці братняй
Узьняўся людзкі род.

1

Паўстань, пракляцьцем катаваны!
Паўстань, хто з голаду век пух!
Бурліць наш розум ўзбунтаваны,
Няволі кліча рваць ланцуг!

Стары парадак мы зруйнуем
Магутным выбухам сваім
І сьвет на новы лад збудуем:
Хто быў нічым — той будзе ўсім!

2

Ніхто ня дасьць самохаць волі —
Ні бог, ні цар ні багатыр,
Даб‘емся самі лепшай долі…
Дабро для ўсіх — наш правадыр!

Каб ня згібаці плеч пакорных,
Каб волі дух лунаў у нас, —
Адважна плаўма сталь у горнах,
Пакуль у кузьні жар ня згас!

3

Уласьць гняце, закон хітруе,
Кроў з бедных ссуць падаткі, чынш,
Нішто багатых ня турбуе,
Правы гаротных — сьмех адзін!

Даволі жыць чужою ласкай,
Закон аб роўнасьці давёў: —
„Няма правоў без абавязкаў
І абавязкаў без правоў!“

4

Нікчэмны ў торжышчы ўсеўладным,
Капальняў, фабрыкаў паны,
Чужую працу толькі складны
Па-зьверску рабаваць яны.

У скрыні-склады сытай банды
Дабро працоўнае пайшло,
Хай-жа бядак даб‘ецца праўды:
Каб што здабыў — яго было!

5

Цары паілі нас маною.
Дык нам спакой, а ім вайна.
Супроць вайны пайдзём вайною:
Душа ў салдаты ні адна.

Калі-ж уладзяць з намі гулі —
Пагоняць нас на бой за іх, —
То будуць знаць, што нашы кулі,
Пачнуць страляць па іх самых.

6

Мы ўсе работнікі, сяляне —
Сусьветны рой працаўнікоў —
Мець будзем на зямлі ўладаньне —
А дармаеды прэч! Далоў!

Жывіцца целам нашым годзе,
Усім трутнём і груганом!
Для нас паўстаўшых сонца ўсходзе,
Сьвяціць нам будзе век вяком!

Гэта бой наш астатні
За працоўны народ.
Каб у лучнасьці братняй,
Узьняўся людзкі род!

1921 г.

---